Аймаг сумын Засаг даргын 2024-2028 оны үйл ажиллагааны хөтөлбөрт “Хайрлагдсан хүүхэд”, “Халуун ам бүл” хөтөлбөрийг хэрэгжүүлэхээр тусгасан. Энэхүү хөтөлбөрийн анхан шатны хэлэлцүүлгийг Арвайхээр сумын 13 багийн ажлын алба, аймгийн хүүхэд, гэр бүлийн хөгжил, хамгааллын газартай хамтран зохион байгууллаа.

Хэлэлцүүлгээр багийн ажлын албанаас хүүхэд хамгааллын асуудал, эцэг эх байх үүрэг, хариуцлага, хүүхдийн сурч боловсрох, өсөж торних орчин нөхцөлийн талаар асуудлыг дэвшүүлж, хүүхдийн өмнө үүрэг хүлээгчдийн хариуцлагыг нэмэгдүүлэхэд анхаарах хэрэгтэйг хэлж байлаа.