Сумын Засаг даргын Тамгын газрын удирдлага, мэргэжилтнүүд, багийн Засаг дарга нарын хамт ЕБ-ын Тэмүүлэл эрдэм, Хоёрдугаар сургуулийн орчин нөхцөл, сургалтын орчинтой танилцаж багш ажилчидтай уулзаж санал хүсэлтийг сонслоо.

Тэмүүлэл Эрдэм сургуулийн багш нар хими, физикийн төрөлжсөн лаборатори тохижуулж сургалтын орчинг сайжруулах, хүүхдүүдийн аюулгүй орчин бүрдүүлж авто замын гарцыг засварлах, хамран сургах тойргийг харгалзаж түр оршин суугчдын хүүхдүүдийг бүртгэхгүй байх талаар санал хэлж байна. Бидний зүгээс сургуулийн анги танхимын тохижилт болон авто замын гарцын асуудлыг шийдвэрлэхээ илэрхийллээ.

Харин хоёрдугаар сургуулийн 12 анги 24 бүлгийн 1000 гаруй сурагч хуучин барилгад хичээллэж байгаа учир өргөтгөлийн барилгыг ирэх хичээлийн жилд ашиглалтад оруулахад анхаархаа илэрхийллээ. Түүнчлэн камержуулалт, гэрэлтүүлэг, авто зогсоолын асуудлыг багш нарын зүгээс хэлж байна.

Үргэлжлүүлэн сургуулиудын орчин нөхцөлтэй танилцаж, багш ажилчидтай уулзаж санал хүсэлтийг сонсон ажиллана.